Töluverð aukning hefur verið í framleiðslu Arctic Sea Farm ehf., dótturfélag Arctic Fish ehf., og stefnir í að framleiðslumagn ársins verði 12 þúsund tonn af laxi á árinu, en það er um 60% meira en í fyrra. Þetta kemur fram í fréttatilkynningu frá fyrirtækinu.

Fyrirtækið er með sjókvíar í Patreks- og Tálknafirði þar sem heimild er fyrir 7.800 tonna eldi og í Dýrafirði þar sem fiskeldisfyrirtækið er með leyfi fyrir 10 þúsund tonn. Laxinn er unninn í sláturhúsi Arnarlax á Bíldudal en unnið er að því að kortleggja tækifæri sem felast í byggingu nýs sláturhúss á Vestfjörðum sem myndi anna framleiðslu beggja félaganna.

Frétt af mbl.is

Flateyri og Patreksfjörður koma til greina

„Eldið hefur gengið mjög vel síðast liðna mánuði. Sjávarhiti hefur verið hagstæður og lifun hefur verið með besta móti. Leyfi félagsins verða því fullnýtt í Dýrafirði innan skamms. Til að létta á þeirri stöðu áður en farið er inn í veturinn og vegna þess að sláturhúsið á Bíldudal annar ekki öllu því magni sem þarf að slátra nú á haustmánuðum mun sláturskipið Norwegian Gannet koma til landsins og slátra um 500 tonnum af afurðum frá Hvannadal í Tálknafirði. Ekkert lát verður á vinnslu í sláturhúsinu á Bíldudal sem er á fullum afköstum. Þar er slátrað þessi misserin um 100 tonnum á dag sex daga vikunnar eða um 25.000 tonnum af slægðum laxi á yfirstandandi ári,“ segir í tilkynningunni.

Norwegian Gannet kom síðast til Íslands í fyrra til að aðstoða við slátrun lax úr sjókvíum í Arnarfirði vegna laxadauða í kjölfar óveðurs sem gekk yfir landið.

Frétt af mbl.is

Norwegian Gannet til Íslands vegna laxadauða

Tengdar fréttir

Fiskeldi

Telur lúsina sameiginlega áskorun

• Lús smitar út frá kvíum í villta laxa
• Met sett í vinnslunni í október
• Rannsaka mikinn seiðadauða í Fáskrúðsfirði
• 2024 líklegast metár eldisafurða

» Fleiri tengdar fréttir

• Blogga um frétt