Vilja banna íslenskan lax í Hollandi
Setja bókamerki
Tengdar fréttir
Makrílveiðar
/frimg/1/52/43/1524385.jpg)
Ráðherrar og þingmenn Þjóðarflokks fyrir frelsi og lýðræði (VVD) og samstarfsaðila þeirra, Kristilega lýðræðishreyfingin (CDA), í Hollandi hafa sagst vilja skoða möguleikan á að beita Íslendinga, Norðmenn og Færeyinga viðskiptaþvinganir vegna útgáfu veiðiheimilda í makríl.
Fram kemur í umfjöllun blaðsins De Telegraaf að til skoðunar er að banna innflutning á eldislaxi frá ríkjunum þremur í þeim tilgangi að refsa þeim fyrir að gefa út einhliða og „kerfisbundið“ kvóta í makríl sem er umfram ráðgjöf vísindamanna. Enginn samningur er milli þeirra aðila sem veiða makríl og eru Hollendingar bundnir af því magni sem framkvæmdastjórn Evrópusambandisns ákveður að útgerðir aðildarríkjanna fá að veiða.
Carola Schouten, sjávarútvegsráðherra Hollands, kveðst ætla að krefjast þess að framkvæmdastjórn Evrópusambandsins skoði leiðir til að útfæra refsiaðgerðir gegn ríkjunum þremur. Þá vill hún einnig að kortlagt verði hvaða afleiðingar þvingunaraðgerðir kunna að hafa fyrir fiskvinnslur í Hollandi, en þar er unnið töluvert af laxi og öðru innfluttu sjávarfangi.
Íslendingar ekki aukið heimildir
Ólíkt Norðmönnum og Færeyingum sem hækkuðu útgefin kvóta í makríl um 55% ákváðu íslensk stjórnvöld að hlutdeild íslenskra skipa yrði óbreytt. Alls hafa þau ríki er stunda makrílveiðar boðað að aflaheimildir verða gefna út sem eru 356 þúsund tonn umfram vísindalega ráðgjöf og hafa meðal annars franskar útgerðir og sjómenn krafist þess að bann verði sett við innflutning á þorski og makríl frá Noregi.
Ekki er ljóst með hvaða hætti stjórnmálamenn frjálslynda íhaldsflokksins VVD og hægriflokkisns CDA hyggjast framfylgja þessum orðum sínum enda í gildi samningar um viðskipti ríkjanna þriggja og Evrópusambandsins.
Ekki trúverðugt
Trond Davidsen, aðstoðarframkvæmdastjóri samtaka framleiðenda sjávarafurða í Noregi (Sjømat Norge), kveðst í samtali við iLaks ekki hafa miklar áhyggjur af málinu. „Ég held að laxframleiðendur í Noregi, Færeyjum eða Íslandi missi ekki svefn yfir þessu.“ Hann segir yfirlýsingarnar ótrúverðugar og efast um að þessi áform hafi lagastoð.
„Ég tek eftir því að ráðherrann (Schouten) telur vinnslurnar fyrir lax í Hollandi mikilvæga þátt,“ segir Davidsen og bætir við að sá þáttur hafi líklega mikil áhrif á framvindu málsins.
Tengdar fréttir
Makrílveiðar
„Þetta er ríkisstjórn almannahagsmuna“
„Aðstæður í stjórnmálum geta breyst á einni nóttu“
„Mér finnst gamla Samfylkingin komin aftur“
Bjarni: „Útilokað að þetta geti gengið upp“
Samfylking og Viðreisn gáfu loforð
Ellefu skjálftar síðasta sólarhringinn
/frimg/1/53/78/1537870.jpg)
Í kaffi með Vigdísi
Lyklaskipti í ráðuneytunum