Stórir kaupendur uppsjávarafurða hafa ákveðið að gefa strandríkjum í norðausturhluta Atlantshafs þrjú ár til að tryggja að veiðar á makríl, síld og kolmunna verði innan vísindalegrar ráðgjafar áður en fyrirtækin fari að leita annarra afurða.

Þetta er meðal þess sem kom fram á málfundi Marine Stewardship Council sem haldinn var á Arctic Circle í Hörpu í morgun.

Uppsjávarstofnarnir þrír eru allir ofveiddir þar sem strandríkin(Grænland, Ísland, Færeyjar, Noregur, Evrópusambandið, Bretland og Rússland) gefa öll út einhliða kvóta.

Frétt af mbl.is

356 þúsund tonn umfram vísindalega ráðgjöf

Tom Pickerell, verkefnastjóri North Atlantic Pelagic Advocacy Group (NAPA), sagði skilaboðin frá yfir 40 verslunarkeðjum og matvælaframleiðendum væru skýr: Þau vilja sjálfbærar afurðir í virðiskeðju sinni.

Fyrirtækin hafa skuldbundið sig til að grípa til aðgerða ef ekki verður orðið við kröfu þeirra. Vakti Pickerell athygli á því að aðgerðir fyrirtækja geta verið að mismunandi toga og kveðst til að mynda fiskeldisfyrirtækið Aquascot ætla að endurskoða kaup sín á fóðri, lýsis- og fiskimjölsframleiðandinn Tripple Nine kveðst ætla að borga minna fyrir ósjálfbærar afurðir og matvælaframleiðandinn Young‘s hyggst einfaldlega hætta að kaupa slíkar afurðir.

„Það er hægt að leysa þetta. Það þarf bara vilja,“ sagði Pickerell og bætti við að fyrirtækin gefa ríkjunum þrjú ár áður en gripið verður til fyrrnefndra aðgerða.

Tom Pickerell.

Tengdar fréttir

Makrílveiðar

130 þúsund tonna upphafskvóti í makríl

• Fá að færa 25% makrílkvótans á næsta ár
• Eining um heildarkvóta en ekki skiptingu
• Leggur til 22% lækkun á makrílveiðum
• Útbreiðsla makríls í íslenskri landhelgi ein sú minnsta

» Fleiri tengdar fréttir

Arctic Circle 2021

Ólafur Ragnar: „Fullkomin einkunn!“

• Engin smit á meðal 1.400 gesta
• Segir að Íslendingar eigi að líta stórt á sig
• Mótmælt fyrir utan Hörpu
• Hafa tekið 1.500 sýni í Hörpu

» Fleiri tengdar fréttir

• Blogga um frétt