Beint: Vel í stakk búinn sjávarútvegur

Sjávarútvegsdagurinn, í samstarfi Deloitte, Samtaka fyrirtækja í sjávarútvegi og Samtaka atvinnulífsins fer fram í Silfurbergi í Hörpu í dag. Yfirskrift fundarins í ár er „Vel í stakk búinn“ sem vísar til þess að sjávarútvegur og fiskeldi komust nokkuð klakklaust í gegnum erfitt ár í fyrra.

Meðal frummælenda í ár verður forseti Íslands, Guðni Th. Jóhannesson, sem flytur erindið: „Hin heimskulega og skammsýna rányrkjustefna verður að víkja.“ Fimmtíu ára sjónarmið í fullu gildi.

Því næst mun Jónas Gestur Jónasson, löggildur endurskoðandi hjá Deloitte kynna afkomu sjávarútvegsfyrirtækja og fiskeldis.

Að lokum mun Hildur Hauksdóttir, sérfræðingur í umhverfismálum hjá Samtökum fyrirtækja í sjávarútvegi flytja erindi um samspil sjávarútvegs og loftslagsmála.

• Blogga um frétt