Bíða eftir niðurstöðum um borð

Skipverjar á Málmey SK-1 eru búnir að fara í skimun og bíða nú eftir niðurstöðum, en þeirra er að vænta í kvöld. Grunur kom upp að einhverjir skipsverjanna væru smitaðir af kórónuveirunni og var skipinu siglt aftur til hafnar á Sauðárkróki.

Ólafur Bjarni Haraldsson stýrimaður segir að þeir bíði nú bara rólegir eftir niðurstöðunum um borð. „Við búum okkur undir það versta, en vonum auðvitað það besta,“ sagði Ólafur í samtali við mbl.is. 

Nokkrir skipsverjanna tóku hraðpróf vegna flensueinkenna og þegar einn fékk jákvætt var ákveðið að allir í ahöfninni myndu taka hraðpróf. Enginn er þó mikið veikur og flestum líður ágætlega. 

Frétt af mbl.is

Enginn skipverjanna mikið veikur

• Blogga um frétt