Ekki mikill síldarafli á miðunum

„Skipin hérna hjá okkur hafa verið að hífa og það er ekki mikill afli akkúrat núna, en það getur breyst skjótt,“ segir Atli Rúnar Eysteinsson, skipstjóri á Barða, í færslu á vef Síldarvinnslunnar. Skipið hélt til veiða í gær eftir að hafa beðið af sér brælu í Reykjavíkurhöfn.

Börkur NK, Beitir NK og Barði NK eru öll að síldveiðum vestur af landinu og kom Börkur til Neskaupstaðar með 1.340 tonn á mánudag. Þá er Beitir NK er á austurleið með tæp 700 tonn og segir Sturla Þórðarson skipstjóri að veiðin hafi gengið heldur illa og að bræla sé á miðunum.

Jón Gunnar Sigurjónsson, yfirverkstjóri í fiskiðjuveri Síldarvinnslunnar, segir að vinnslan á íslensku sumargotssíldinni gangi vel. „Norsk-íslenska síldin er stærri og heldur betra hráefni.“

• Blogga um frétt