Hagnaðurinn 1,8 milljarðar króna
Setja bókamerki
Árið 2021 hefur gengið vel hjá laxeldisfyrirtækinu Arctic Fish samkvæmt þriðja ársfjórðungsuppgjöri og nam samanlögð framlegð fyrstu þrjá ársfjórðunga um 1,7 milljarða króna og hagnaður félagsins á sama tíma 1,8 milljarða, að því er fram kemur í fréttatilkynningu frá fyrirtækinu.
Á fyrstu níu mánuðum þessa árs hefur Arctic Fish slátrað 8.542 tonnum af laxi sem er meira en félagið hefur hingað til gert á heilu ári og stefnir í að framleiðsla ársins nái 11.500 tonnum.
Fram kemur í tilkynningunni að heildarvelta fyrstu þriggja ársfjórðunganna er um 6,4 milljarðar króna og að verð á laxi hafi skilað góðri afkomu en meðal skilaverð á seldum afurðum var 825 krónur á kíló og nam salan í fjórðungnum 2,4 milljörðum króna.
Framlegð af eldinu var um 159 krónur á selt kíló á þriðja ársfjórðungi sem er besta framlegð á kíló sem náðst hefur innan fjórðungs á árinu. Framlegð á fjórðungnum var rúmlega 400 milljónir króna, 180 milljónum krónum hærri framlegð en á öðrum ársfjórðungi.
Stefnt að afgreiðslu Íslandsbankasölu á vorþingi
Ekki tekist að vernda börn þrátt fyrir vitneskju
Staðan alvarleg og stutt í aðgerðir
Stakk móður sína yfir tuttugu sinnum
Náðun stuðningsmanna Trumps vekur ólík viðbrögð
Skotinn til bana við skyldustörf
MDE: Brotið á Jóhannesi í BK-44 máli