Útgerðirnar greiða engin veiðigjöld vegna loðnu
Setja bókamerki
Engin veiðigjöld hafa verið greidd af loðnu á þessu ári en verð á loðnuafurðum var óvenju hátt fyrstu mánuði ársins og nam heildarútflutningur 16,4 milljörðum króna fyrstu fimm mánuðina þegar magnið var aðeins 26 þúsund tonn. Nú er að hefjast ein stærsta loðnuvertíð í tvo áratugi þar sem íslensk skip fá að veiða rúmlega 600 þúsund tonn en engin veiðigjöld verða greidd af þeim fiski sem landað er fyrir árslok.
Ástæðan er að gildandi stuðull til útreikninga álagningar veiðigjalda tekur mið af ári sem engin loðna var veidd sökum loðnubrests. Þess vegna verða ekki innheimt nein veiðigjöld fyrir loðnu sem veidd hefur verið frá og með 1 . janúar 2021 til og með 31. desember 2021. Þetta staðfestir Fiskistofa.
Hér var áður vakin athygli á að ástæða þess að ekki yrðu greidd veiðigjöld væri vegna þess að þorskígildisstuðullinn fyrir loðnu árið 2021 væri 0,00 en að gjaldheimta yrði meiri á næsta ári þegar stuðulinn er 0,36. Það er ekki rétt þar sem það vísar til eldra fyrirkomulags.
Hið rétta er að ekki verður heldur greitt veiðigjald af loðnu á næsta ári.
Uppfært með tilliti til nýrra upplýsinga 12.11.2021 klukkan 11:06
„Grafalvarlegt að talningin hafi ekki staðist“
Nóróveiran gengur enn um hálendið
Konan sem missti meðvitund var í köfunarferð
Bjartsýn á að opna nýjan Kársnesskóla næsta haust
Myndskeið: Ferðamenn flykkjast á Grindavíkurveg
Rannsókn enn í gangi og beðið niðurstöðu krufningar
Fjögur útköll á sólarhring og stefnir í metár