Saga Íslands og Íslendinga er bundin hafsókn órjúfanlegum böndum og hefur það eðlilega haft áhrif á tungumálið og sést bersýnilega í mörgum þeim orðasamböndum, málsháttum og orðtökum sem stuðst er við í íslensku máli.

Útgerðarfélagið Brim hefur ákveðið að vekja athygli á þessu á degi íslenskrar tungu og hefur birt á vef sínum nokkur dæmi með tilheyrandi skýringu undir fyrirsögninni „íslenskan er hafsjór“. Má þar til að mynda finna „að standa einhverri á sporði“ og „leggja árar í bát“.

„Á degi íslenskrar tungu fögnum við því að eiga tungumál sem spriklar af lífi og vekjum um leið athygli á því hversu mörg orðasambönd í nútímamáli eiga uppruna sinn í gamla sjómannasamfélaginu,“ segir á vef Brims.

Ríkisstjórn Íslands ákvað haustið 1995 að 16. nóvember ár hvert, sem er fæðingardagur Jónasar Hallgrímssonar, yrði dagur íslenskrar tungu. Markmið dagsins er að minna á mikilvægi íslenskrar tungu og gleðjast og fagna sögu hennar, samtíð og framtíð.

Tengdar fréttir

Brim

7,5 milljarða fyrir kvóta

• Stærsta skip flotans heitir nú Þerney
• Brim fjárfesir í vistvænum krapavélum
• Stjórn Brims helst óbreytt
• Hagnaður Brims dróst saman um 20%

» Fleiri tengdar fréttir

• Blogga um frétt