Árangurinn var heldur lítill í nótt og í morgun þegar Börkur NK og Bjarni Ólafsson AK köstuðu í von um að finna loðnu. Það sem fékkst var heldur smátt og heldur loðnan sig á töluverði dýpi auk þess sem tunglbirta er sögð trufla veiðar.

„Við köstuðum á Halanum í nótt en fengum ekkert. Loðnan kom ekkert upp fyrir 80 faðmana. Það sáust loðnur í nótinni og þær virtust vera smáar. Nú erum við að sigla í norðvestur í átt að Bjarna Ólafssyni sem kastaði í morgun,“ segir Leifur Þormóðsson, stýrimaður á Berki, í færslu á vef Síldarvinnslunnar.

Frétt af mbl.is

„Menn verða að vera þolinmóðir“

„Við köstuðum 60 mílur norður af Horni og fengum 30 tonn af smáloðnu. Það hefur verið talsvert að sjá og við köstuðum á þokkalegasta lóð en þetta kemur afar illa upp því það er svo rosalega tunglbjart. Nú er ætlunin að leita austur með kantinum,“ segir Runólfur Runólfsson, skipstjóri á Bjarna Ólafssyni.

Runólfur Runólfsson skipstjóri Ljósmynd/Síldarvinnslan/Smári Geirsson

Tengdar fréttir

Loðnuveiðar

Sást til loðnu norður af Vestfjörðum

• Loðnumæling tafðist er Árni leitaði í var
• Fyrstu skipin til loðnumælinga
• „Við urðum örlítið varir við loðnu“
• Töf á mælingu vegna viðgerðar

» Fleiri tengdar fréttir

• Blogga um frétt