Sýni úr laxi úr eldiskvíum í Reyðarfirði, sem talinn er sýktur af blóðþorra, hafa verið send til raðgreiningar á rannsóknarstofu í Þýskalandi. Niðurstöður hennar eiga meðal annars að leiða í ljós hvort tilgáta dýralæknis fisksjúkdóma um að ný stökkbreyting ISA-veirunnar valdi sýkingunni – eða hvort hún hefur borist annars staðar frá.

Ekki er vitað um ástæður sýkingarinnar. Gísli Jónsson telur líklegt að umhverfisaðstæður valdi því að veiran hafi stökkbreyst, úr meinlausri laxaflensu yfir í meinvirkt afbrigði. Hann bendir á að álag hafi verið á kvíunum á Gripalda. Árið byrjaði með óveðri sem leiddi til þess að fóðurprammi sökk við eldiskvíarnar. Síðar bættist við þörungablómi í vor og marglytta lagðist að í haust. Segir Gísli hugsanlegt að ónæmi fisksins hafi dalað í þessu volki og það orðið til að skapa tækifæri fyrir veiruna.

Ekki hefur orðið vart við afföll í öðrum kvíum á sömu staðsetningu, þótt stutt sé á milli, en í næstu viku verður byrjað að skima fyrir sýkingunni þar. 

Nánar má lesa um málið í Morgunblaðinu. 

Tengdar fréttir

Fiskeldi

Hafa opnað eldið upp á gátt

• Brennihveljur geta verið langvarandi vandamál
• Nýtt útflutningsmet fyrir íslenskt fiskeldi
• Kaldvík hefur samstarf við Aquabyte
• Úrskurðir féllu Arctic Fish í vil

» Fleiri tengdar fréttir