Svandís Svavarsdóttir sjávarútvegsráðherra undirritaði síðdegis í gær breytingu á reglugerð um loðnuveiðar íslenskra skipa á vetrarvertíðinni. Við hana bætist bráðabirgðaákvæði og verður heimilt til áramóta að stunda veiðar á loðnu með flotvörpu á stærra svæði fyrir Norðurlandi en áður var heimilt.

Reglugerðin tekur gildi eftir birtingu, líklega seinnipartinn í dag.

Í gær voru sex skip á loðnuslóð austur og norðaustur af Kolbeinsey; Heimaey, Börkur, Bjarni Ólafsson, Venus, Víkingur og Svanur og Aðalsteinn Jónsson var á leið á miðin. Á heimasíðu Síldarvinnslunnar er haft eftir Hálfdan Hálfdanarsyni, skipstjóra á Berki, að töluvert sjáist þar af loðnu, en hún standi djúpt og ekki sé hægt að veiða hana í nót.

„Hér væri örugglega hægt að ná góðum árangri í troll en það hefur ekki enn fengist heimild til slíkra veiða,“ sagði Hálfdan .

Frétt af mbl.is

Leggja til 400 þúsund tonna vertíð á næsta ári

Tengdar fréttir

Loðnuveiðar

Loðnubrestur veldur ugg á Hornafirði

• Loðnubrestur algengur í Barentshafi
• Tímabært að rannsaka afrán hvala
• Loðnubrestur dregur verulega úr hagvexti
• „Enginn talar um hið augljósa“

» Fleiri tengdar fréttir