Hægt að mæla loðnustofninn á smábátum
Setja bókamerki
Tengdar fréttir
Hafrannsóknastofnun
/frimg/1/49/45/1494580.jpg)
Hafrannsóknastofnun hefur tekist að sýna fram á að hægt sé að sinna bergmálsmælingum á hluta af hrygningarstofni loðnu á afmörkuðum svæðum á smábátum. Tilraunamælingar fóru fram í sumar og hefur skýrsla um verkefnið verið birt á vef Hafrannsóknastofnunar.
Fram kemur að farið var í fjóra leiðangra á tveimur smábátum í Eyjafirði, Skjálfandaflóa, Öxarfirði og Þistilfirði í maí og júní 2021 í þeim tilgangi að afla gagna fyrir rannsóknir á hrygningargöngu loðnu. Benda mælingar til þess að „ekki hafi mikið magn loðnu gengið til hrygningar á viðkomandi svæðum fyrir norðan land á þeim tíma sem rannsóknin fór fram,“ segir í skýrslunni.
Megin hrygning loðnu við Ísland fer fram við suður- og vesturströndina í mars og apríl en þekkt hefur verið að loðna hrygnt fyrir norðan land fram eftir sumri. Skortur hefur hins vegar verið á upplýsingum um útbreiðslu og umfang hrygningarinnar, en með mælingunum var aflað upplýsinga um magn, ástand og framvindu hrygningar loðnunnar á svæðinu.
Þurfa nokkur ár
„Lífmassi kynþroska loðnu mældist samtals 505 tonn í bergmálsmælingunum. Því má ætla að ekki hafi mikið magn loðnu gengið til hrygningar á viðkomandi svæðum fyrir norðan land á þeim tíma sem rannsóknin fór fram. Einhver hrygning átti sér stað fyrir norðan land að minnsta kosti fram í júní en um var að ræða mjög lítið magn ef miðað er við stærð hrygningarstofns loðnu við Ísland og má því ætla að um óverulegt framlag til heildarstofnsins hafi verið að ræða,“ segir í skýrslunni.
Þá eru vísbendingar um að loðnugengd á þessum svæðum sem mælingar fóru fram hafi hugsanlega verið meiri undanfarin ár. „Sýnt var fram á að hægt er að nota smábáta með réttan búnað í slíkar rannsóknir en skoða þarf göngur og hrygningu loðnu með þessum hætti í nokkur ár til að meta breytileika í göngum og skilja í samhengi við t.d. ástandið í hafinu.“
Atvinnuvega- og nýsköpunarráðuneytið styrkti verkefnið sem hluta fjárfestingaátaks Alþingis vegna heimsfaraldurs kórónuveiru.
Tengdar fréttir
Hafrannsóknastofnun
Þingmenn stjórnarflokkanna funda á Þingvöllum
60 þúsund byggingar taldar í hættu
Afleiðingar fjögurra ára vatnstjóns koma fram
Gular viðvaranir víða um land
Ísland mun styðja við uppbyggingu í lok stríðs
Áhrif örvandi fíkniefna meginorsök banaslyss
Rannsókn lögreglu á banaslysi aftur hjá ákærusviði
Miklar rakaskemmdir og mygla í Lögbergi