Í tilraunaeldisstöð Hafrannsóknastofnunar í Grindavík hefur nú í fyrsta sinn á heimsvísu tekist að ala loðnu í eldisstöð. Loðnuseiðin sem þar hafa verið alin eru nú að meðaltali tíu sentimetrar á lengd og búist er við því að þau hrygni í stöðinni næsta sumar, rúmlega ársgömul.

Agnar Steinarsson, sérfræðingur hjá Hafrannsóknastofnun, flytur á morgun, fimmtudag, erindi um þessar eldistilraunir með loðnu. Málstofan verður haldin í fundarsal á 1. hæð að Fornubúðum 5 í Hafnarfirði og hefst klukkan kl. 12.30.

Náðu að vaxa og dafna

Í kynningu á verkefninu kemur fram að í vor náðu starfsmenn Hafró, í góðri samvinnu við loðnusjómenn, að frjóvga og klekja út loðnuhrognum og hefja tilraunaeldi á loðnulirfum. Frá þessu var greint í maí.

Fóðrað var með örsmáu lifandi dýrasvifi og fljótlega kom í ljós að lirfurnar náðu að vaxa og dafna í stöðinni. Rúmum þremur mánuðum síðar var búið að venja tvö þúsund seiði á þurrfóður.

Frétt af mbl.is

Tvö þúsund líflegar eldisloðnur

Loðnan er lykiltegund

Í erindinu verða sýndar myndir og myndskeið af þroskunarferli seiðanna og skýrt frá niðurstöðum mælinga. Greint verður frá nýjum rannsóknaklefa stöðvarinnar og fyrirhuguðum rannsóknum á áhrifum súrnunar á vöxt og afkomu loðnulirfa. Þá verður fjallað um mögulegar eldisrannsóknir á loðnu á komandi árum.

„Loðna er lykiltegund í fæðuvistkerfinu í hafinu í kringum Ísland og mikilvægt er að skilja hvaða áhrif loftslagsbreytingar gætu haft á vöxt, fjölgun og útbreiðslu tegundarinnar á næstu áratugum,“ segir í kynningunni.

Tengdar fréttir

Fiskeldi

Thor fær leyfi til fiskeldis

• Allt landeldi í uppnámi
• Eining um vöktun grunnvatns
• Tillaga að 12 þúsund tonna eldi Geo Salmo
• Sigurður Arnar til liðs við Laxey

» Fleiri tengdar fréttir

Hafrannsóknastofnun

Fengu fjarstýrðan kafbát

• Þorskar undir meðalþyngd fyrri ára
• Jónbjörn setti nafn sitt á nýja tegund
• Fjárfestu í nýjum rannsóknabúnaði
• Auglýsa Bjarna Sæmundsson til sölu

» Fleiri tengdar fréttir