Skælbrosandi skipverji með vænan afla í Ólafsvík

„Já nú er þetta byrjað af alvöru,“ sagði Sigurður Viktor Hallgrímsson, skipverji á Bárði SH, þegar fréttaritari Morgunblaðsins á Snæfellsnesi rakst á hann skælbrosandi á bryggjunni í Ólafsvík í gær.

Sigurður hafði ástæðu til að brosa en áhöfninni, sem er á netaveiðum, tókst að koma til hafnar með 24 tonn í tveimur löndunum. „Við erum fjórir um borð og erum við með sex trossur sem eru 10 til 15 neta langar. Þetta er mjög góður og vel haldinn þorskur sem við erum að fá.“

Aflabrögð hafa almennt verið góð í öll veiðarfæri þegar færi gefst, en mikil ótíð hefur verið í allt haust og er veðurspá ekki góð næstu daga.

Pétur Pétursson skipstjóri og útgerðarmaður í lestinni að vanda. mbl.is/Alfons

• Blogga um frétt