Þrátt fyrri sögulega úthlutun loðnukvóta og hátt mat á viðmiðunarstofni loðnu hefur uppsjavarskipunum gengið misvel að ná aflanum. Skipinu sem fiskuðu best fengu um 500 tonn í gær en afli sumra skipa var allt niður í 200 tonn.

„Allur flotinn er hérna 50-60 mílur norðaustur af Langanesi. Við höfum ekki fundið mjög sterk lóð. Þetta eru svona grisjur sem menn eru að kasta í,“ segir Þorkell Pétursson, skipstjóri á Bjarna Ólafssyni AK, í færslu á vef Síldarvinnslunnar. „Það er þó dálítið misjafnt hve lóðið er sterkt og gærdagurinn var þokkalegur að því leyti enda fengu bæði Börkur og Beitir yfir 500 tonn í gær en aðrir minna. Mest hafa skip verið að fá upp í 600 tonn yfir daginn.“

Hann segir aðeins vera sex tíma á dag sem takist að draga með einhverjum árangri. „Þetta fer að skila einhverju um klukkan hálftíu til tíu á morgnana en svo er það búið um hálffjögur eða fjögur á daginn. Eftir það fæst varla nokkuð. Loðnan er býsna brellin og getur verið erfitt við hana að eiga. Menn verða að finna lóð og vera tilbúnir að kasta á morgnana.“

Frétt af mbl.is

Loðnugangan á svipuðum tíma og á árum áður

Skipin þvælast fyrir hvort öðru

„Það er þröngt um skipin á blettinum sem veitt er á og skipin reyna að stilla sér upp í röð en það vill verða svo að menn þvælast hver fyrir öðrum,“ útskýrir Þorkell sem segir alla leggja sig fram við þessar aðstæður.

„En þetta er svolítið snúið og það mætti vera meira veiðifjör. Það er alveg ljóst að megingöngurnar eiga eftir að koma og þá mun fjörið færast í leikinn. Annars ætla ég ekki að kvarta. Það skemmtilegasta sem ég geri er að veiða loðnu og menn eiga að vera glaðir að fá tækifæri til þess,“ segir Þorkell.

Frétt af mbl.is

Flest uppsjávarskipin á loðnu

Tengdar fréttir

Loðnuveiðar

Ný loðnuleit skilar enn lægra mati

• Ekki von á að mæling leiði til breytinga
• Áfram verður leitað að loðnunni
• „Það þarf auðvitað bara að leita betur“
• Loðnumælingar gefa ekki ástæðu til bjartsýni

» Fleiri tengdar fréttir

• Blogga um frétt