Rannsóknarnefnd samgönguslysa hefur hafið rannsókn á tildrögum strands grænlenska fiskiskipsins Masilik í nótt. Fulltrúar siglingasviðs eru með málið á sínum höndum en ekki fæst uppgefið á þessu stigi hver staða rannsóknarinnar sé.

Varðskipið Freyja og dráttarbáturinn Hamar voru kölluð út í gærkvöldi eftir að tilkynnt var að grænlenska línuskipið Masilik, sem Royal Greenland gerir út, strandaði við Gerðistanga undan Vatnsleysuströnd.

Gerðistangi á Reykjanesi. Kort/Map.is

Alls voru 19 um borð þegar skipið strandaði og voru allir fluttir yfir í Freyju seint í gærkvöldi en um tíma var talið að leki væri kominn upp í Masilik, en við nánari athugun reyndist svo ekki vera. Björgunarskipin Sjöfn, frá Ársæli á Seltjarnarnesi, og Stefnir, frá Hjálparsveit skáta í Kópavogi, sáu um að ferja áhöfnina í land ásamt því að að aðstoða Freyju með að koma dráttartaug yfir í línuskipið.

Vel gekk að losa skipið af strandstað í nótt og var skipið komið til hafnar um klukkan sjö í morgun.

Frétt af mbl.is

Masilik komið til hafnar í Hafnarfirði

Viðgerðir fyrr á árinu

Masilik var í slipp allan janúarmánuð á Akureyri, var þá stutt síðan skipið fékk á sig brot. Unnu starfsmenn Slippsins á Akureyri að endurbótum á klæðningum á vinnsludekki og það heilmálað. Skipið var jafnframt öxuldregið, unnið að ýmsum viðhaldsverkum í vélarrúmi og akkerishús lagfært.

Tengdar fréttir

Strand Masilik

Strandaði vegna aðgæsluleysis og vanrækslu

• Lögreglan enn með strand Masilik til rannsóknar
• Skipverjar Masilik fengu stöðu sakbornings
• Áhættusamt að færa Masilik vegna leka
• Masilik komið til hafnar í Hafnarfirði

» Fleiri tengdar fréttir

• Blogga um frétt