Útgerðarfélagið Skinney-Þinganes hefur samið um smíði á nýju uppsjávarskipi við skipasmíðafyrirtækið Karstensens Skibsværft A/S í Skagen í Danmörku, að því er fram kemur á vef fyrirtækisins.

Þar segir að lengd skipsins verði 75,4 metrar og breiddin 16,5 metrar, en lestarrými skipsins verður um 2.400 rúmmetrar. Þá er vakin athygli á því að hönnun skipsins hafi tekið mið af því að djúpristan verði sem minnst eða um 6,5 metrar. Áætluð afhending skipsins er í apríl 2024.

Skinney-Þinganes gerir nú þegar út tvö uppsjávarskip, Ásgrím Halldórsson SF-250 og Jónu Eðvalds SF-200, auk fjögurra skipa, Þinganes SF-25, Steinunn SF-10, Skinney SF-20 og Þórir SF-77. Dótturfélagið Útgerðarfélagið Vigur ehf. gerir út bátinn Vigur SF-80.

Karstensens hefur að undanförnu smíðað nýjustu uppsjávarskip íslenska flotans og má nefna nýjan Börk NK fyrir Síldarvinnsluna og nýjan Vilhelm Þorsteinsson EA fyrir Samherja. Jafnframt smíðaði stöðin Suðurey VE sem Ísfélagið keypti nýverið frá Svíþjóð, en það skip var smíðað 2006.

Frétt af mbl.is

Nýr Vilhelm til hafnar á Akureyri

Tengdar fréttir

Endurnýjun skipaflotans

Nýr Hákon stórglæsilegur

• Hulda Björnsdóttir GK-11 á heimleið
• Sigurbjörg nýtur sólarinnar á Jónahafi
• Unnið hörðum höndum í nýjum Hákoni
• Ætla að smíða tvö ný fiskiskip

» Fleiri tengdar fréttir

• Blogga um frétt