Jens nýr framkvæmdastjóri Geo Salmo
Setja bókamerki
Jens Þórðarson hefur verið ráðinn framkvæmdastjóri Geo Salmo ehf. Fyrirtækið hefur fengið vilyrði fyrir því að reisa eldisstöð vestan Þorlákshafnar og er stefnt að framleiðslu á 20 þúsund tonnum af laxi með möguleika á aukningu í 24 þúsund tonn.
Jens hefur, að því er fram kemur í fréttatilkynningu, víðtæka stjórnunar- og rekstrarreynslu eftir að hafa starfað í ýmsum stjórnunarstörfum undanfarin 15 ár hjá Icelandair Group. Síðast var Jens framkvæmdastjóri rekstrar.
Hann er með M.Sc. gráðu í iðnaðarverkfræði frá Háskóla Íslands og er búsettur í Reykjavík ásamt Ernu Kristínu Blöndal, eiginkonu sinni og þremur börnum.
Lágmarka áhrif á umhverfið
„Geo Salmo stefnir að uppbyggingu fiskeldisstöðvar við Þorlákshöfn á næstu árum þar sem áformað er að ala lax í fulla stærð á landi. Lögð verður áhersla á að framleiða hágæða lax við bestu mögulegu aðstæður og með lágmarks áhrifum á umhverfið. Fyrirtækið leggur áherslu á að nýta allt sem fellur til við fiskeldið til hins ýtrasta, t.d. með nýtingu affallsvatns í ræktun grænmetis og nýtingu ónothæfra hliðarafurða fisks í orkuframleiðslu en einnig með þróun á nýjum vörum sem geta skapað aukin verðmæti,“ segir í tilkynningunni.
Jens hefur þegar hafið störf hjá félaginu en þar störfuðu fyrir þrír aðrir starfsmenn. Félagið er fullfjármagnað og hefur þegar hafið skipulags- og leyfisferli með hlutaðeigandi stofnunum ásamt hönnun fiskeldisstöðvarinnar.
„Mér er mikill heiður og ánægja að taka við þessu magnaða verkefni. Landeldi á laxi er í örum vexti á heimsvísu en með því má skapa umhverfisvæna og holla matvöru. Geo Salmo hefur óþrjótandi metnað fyrir því að vera framarlega á sínu sviði og nýta sér þau tækifæri sem þessi nýja framleiðslugrein býður upp á samhliða góðum áhrifum á nærsamfélagið og umhverfið. Þetta er frábær blanda og ég hlakka til að hefjast handa og taka þátt í sköpun nýrrar framtíðar í matvælaframleiðslu,“ segir Jens í tilkynningunni.
Viðræður mættu ganga betur
2,2 milljarðar greiddir í gjafsókn einkaaðila
Lausatök í styrkgreiðslum til flokkanna
Góð áhrif af endurkomu Trumps
Fólk sem „vill koma aftur“ hafi skorað á Guðlaug
Rússar missa mikilvæga höfn
Birtumagn í íbúðir hverfur nánast
Greiningum fjölgar og kostnaður eykst