Við yfirheyrslu skipverja á Masilik vegna strands skipsins við Gerðistanga á Vatnsleysuströnd 16. desember fengu menn stöðu sakbornings. Þetta upplýsir lögreglan á Suðurnesjum, sem hefur málið til rannsóknar.

Áréttað er í svari við fyrirspurn 200 mílna að þrátt fyrir að einhverjir hafi fengið stöðu sakbornings merki það ekki endilega að eitthvað saknæmt hafi átt sér stað.

Fram kemur að rannsókn lögreglunnar vegna slyssins sé á lokametrunum og að nú sé beðið eftir niðurstöðum úr sjóprófi.

Fram kom í umfjöllun 200 mílna í gær að rannsókn siglingasviðs Rannsóknarnefndar samgönguslysa á tildrögum slyssins standi enn yfir og að enn sé verið að safna gögnum. Samtölum við skipstjóra og stýrimann hafði þó verið lokið. Ekki er vitað hvert umfang skemmda var á skipinu.

Frétt af mbl.is

Áhættusamt að færa Masilik vegna leka

Tengdar fréttir

Strand Masilik

Strandaði vegna aðgæsluleysis og vanrækslu

• Lögreglan enn með strand Masilik til rannsóknar
• Áhættusamt að færa Masilik vegna leka
• Rannsókn hafin á strandi Masilik
• Masilik komið til hafnar í Hafnarfirði

» Fleiri tengdar fréttir

• Blogga um frétt