Sókn með sjávarafurðir vestur um haf

Hlutdeild Ameríku í útflutningi á sjávarafurðum frá Íslandi fór í rúm 4% á árinu 2011. Frá þeim tíma hefur útflutningur til Ameríku nánast stöðugt verið á uppleið. Fyrstu 10 mánuði þessa árs var Ameríka með tæp 13% af verðmæti útfluttra sjávarafurða, það hæsta frá 2002. Um 97% af verðmætum íslenskra sjávarafurða sem flutt eru til Ameríku fara til Bandaríkjanna og Kanada, að því er fram kemur á Radarnum.

Bandaríkin eru nú þriðja stærsta viðskiptaland Íslendinga með sjávarafurðir miðað við verðmæti, þriðja árið í röð. Árið 2011 voru þau í 12. sæti. Á þessari öld hefur útflutningur til Kanada aldrei verið meiri en í ár. Kanada er 11. stærsta viðskiptaland Íslendinga með sjávarafurðir í ár, en fyrir áratug var það í 27. sæti.

mbl.is

Aukið rými í flugvélum

Þorskurinn er fyrirferðarmestur í útflutningi til Ameríku, svo ýsan og þar ræður ferskleiki ríkjum í báðum tilvikum. Aukinn áhugi Bandaríkjamanna á Íslandi hefur leitt til þess að mikið rými hefur skapast í fraktflugi.

Útflutningsverðmæti sjávarafurða til Ameríku var komið í rúma 30 milljarða króna fyrstu 10 mánuði ársins, sem er um 19% aukning frá sama tímabili í fyrra í krónum talið. Sé leiðrétt fyrir gengi krónunnar gagnvart dollar er aukningin talsvert meiri, eða 28%.

Frétt af mbl.is

Þorskurinn í algerum sérflokki