Hinn 1. janúar taka gildi ný veiðigjöld fyrir árið 2022 og mun gjald á marga mikilvæga nytjastofna hækka töluvert. Gjald á þorsk mun hækka um 7% í 17,74 krónur á hvert óslægt kíló og gjald á ýsu hækkar um 4% í 17,11 krónur á hvert kíló. Þá hækkar gjald á steinbít um 8% í 14,8 krónur og á skarkola um 17% í 4,24 krónur.

Frétt af mbl.is

Þorskurinn í algerum sérflokki

Mesta hækkunin er á skötusel og hækkar gjaldið samkvæmt auglýsingu yfirvalda í Stjórnartíðindum um 496%, úr 3,83 krónum á þessu ári í 22,84 krónur árið 2022. Næstmest hækkar veiðigjald sem lagt verður á kolmunna og fer það úr 0,99 krónum í 2,15 krónur á kíló.

Miklar hækkanir verða einnig í öðrum uppsjávartegundum og hækkar gjald á makríl um 66% milli ára í 5,27 krónur. Meiri hækkun verður í síldinni og hækkar gjaldið úr 2,68 krónum í 4,76 krónur, eða um 78%.

Ekki er hægt að ganga að því vísu að tekjur ríkissjóðs af veiðigjöldum aukist þrátt fyrir hækkanirnar þar sem verulegar skerðingar hafa til dæmis átt sér stað í úthlutuðum veiðiheimildum í þorski, sem er ein verðmætasta tegundin í útflutningi sjávarafurða.

Frétt af mbl.is

Töluverð frávik í mati Hafró – þorskstofninn minni

60 þúsund á langreyði

Veiðigjöld lækka einnig milli ára í einstökum tegundum og er mesta lækkunin í karfa þar sem gjald fer úr 11,83 krónum í 9,59 krónur og nemur lækkunin því 19%. Þá lækkar veiðigjald á hlýra um 17% í 10,04 krónur á kíló, gjald á ufsa lækkar um 12% í 8,82 krónur og gjald á þykkvalúru fer úr 33,59 krónum í 31,32 krónur og lækkar því um 7%.

Veiðigjald fyrir hverja langreyði verður 59.442 krónur og 9.511 krónur fyrir hverja hrefnu. Veiðigjald á sjávargróður verður 594 krónur á hvert landað tonn klóþangs, hrossaþara og stórþara.

Tengdar fréttir

Veiðigjöld

Lýsa áhyggjum af áformum ríkisstjórnar

• Hærra gjald gæti leitt til lokana
• Óásættanlegt að taka atvinnu af öðrum
• Veiðigald á makríl hækkaði um 483%
• Dregur í efa sjálfbærni sjávarútvegsins

» Fleiri tengdar fréttir

• Blogga um frétt