Loðnuveiðarnar gengu vel hjá grænlensku skipunum Polar Ammassak og Polar Amaroq í gær. Á miðunum norðaustur af landinu náði Polar Amaroq 1.300 tonnum og hélt síðan til Seyðisfjarðar. Veiðin gekk framan af einnig vel hjá Polar Ammassak sem fékk 700 tonn en hægt hefur á gangi veiða.

„Í gær fengum við 700 tonn eftir að hafa togað í eina tíu tíma og það er með því besta sem fengist hefur frá því að veiðar hófust núna. Við toguðum síðan í nótt og vorum að dæla um 150 tonnum, en minna hefur fengist á nóttunni en á daginn,“ segir Geir Zoëga, skipstjóri á Polar Ammassak, í færslu á vef Síldarvinnslunnar.

Frétt af mbl.is

„Við höfum tröllatrú á að þetta eigi eftir að aukast“

„Við erum að kynnast nýju skipi en holið í gærdag var fyrsta holið sem við tökum á þessu skipi. Ég var reyndar með þetta skip í sjö mánuði árið 2013 og það hét þá Polar Amaroq. Nú er hins vegar búið að gera grundvallarbreytingar á skipinu frá þeim tíma. Það er til dæmis kominn dælubúnaður á skut, tromlur hafa verið stækkaðar, það er kominn nýr skiljari og nýtt vakúmkerfi og öll tæki í brúnni hafa verið endurnýjuð.

Þetta er einfaldlega hörkuskip og það er glæsilegt að ná góðu fyrsta holi eins og holinu í gær,“ segir Geir.

Hann kveðst ekki eiga von á því að veður verði fyrir veiðar í dag. „Það versta er að núna er að bræla og reyndar komin haugabræla. […] veðrið ætti að vera gengið niður á morgun.“

Tengdar fréttir

Loðnuveiðar

Kaupa norska loðnu á uppboði

• Árangurslausri loðnuleit formlega lokið
• Ekkert markvert fundist af loðnu
• Heimaey bættist í hóp leitarskipa
• Tvö skip leita nú loðnu suðaustur af landinu

» Fleiri tengdar fréttir

• Blogga um frétt