Guðjón Ingi mun stýra sölumálum Martaks

Guðjón Ingi Guðjónsson hefur verið ráðinn til starfa hjá Martak og mun hann stýra sölumálum félagsins, að því er fram kemur í tilkynningu.

Áður starfaði Guðjón Ingi sem svæðissölustjóri hjá Völku sem nýverið var keypt af Marel.

Frétt af mbl.is

Marel kaupir Völku

Hann er í tilkynningunni sagður hafa langa og víðtæka reynslu úr sjávarútvegi þar sem hann hefur lengst af unnið að sölu- og markaðsmálum. En Martak framleiðir hátæknibúnað og heildarlausnir fyrir sjávarútveg á alþjóðlegum markaði og er með starfstöðvar á Íslandi og í Kanada.

Um árabil starfaði Guðjón Ingi hjá SÍF (Sölusambandi íslenskra fiskframleiðenda) sem innkaupa- og sölustjóri og sem forstöðumaður innkaupa- og sölusviðs, var framkvæmdastjóri hjá útflutningsfyrirtækinu Sirius og sölustjóri hjá Bacco Seaproducts og Sæporti.

• Blogga um frétt