Einn í áhöfn Tómasar Þorvaldssonar GK-10, sem Þorbjörn hf. gerir út, greindist smitaður af Covid-19 í hraðprófi um borð sólarhring eftir brottför. Skipinu var umsvifalaust snúið til hafnar og lagði við bryggju í Reykjavík í morgun.

Um er að ræða þriðja skipið sem á undanförnum dögum hefur þurft að hætta við veiðar og snúa aftur til hafnar vegna kórónuveirusmits um borð. Örfirsey RE-04 snéri við á mánudag vegna tveggja skipverja sem greindust í hraðprófi og Bergey á þriðjudag þegar einn greindist.

Frétt af mbl.is

Þrjú smit meðal áhafnar á Örfirisey

Eiríkur Óli Dagbjartsson, útgerðarstjóri frystiskipa hjá Þorbirni hf, segir alla 26 í áhöfninni hafa verið sendir í pcr-próf. Hann segir áhöfnina fara í pcr-próf á ný á laugardag og haldið svo til veiða þegar niðurstaða liggur fyrir. „Við vonum að þetta takist. Sá sem greindist var einangraður frá því að hann fann einkenni.“

Hann viðurkennir að það sé svekkjandi að þessi staða komi upp. „Frystitogarinn náði afla fyrir 3,2 milljarða í fyrra. Hver dagur er því dýr og vika úr þessum túr farin í súginn. Þetta er mikið áfall fyrir alla en eitthvað sem allir hafa búið sig undir. Höfum verið meðvituð um að það sé ekki spurning um hvort þetta gerist heldur hvenær.“

Eiríkur Óli Dagbjartsson útgerðarstjóri togara Þorbjarnarins. mbl.is/Sigurður Bogi

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt