Rúmlega hundrað sjómenn í einangrun eða sóttkví
Setja bókamerki
Frystitogarinn Júlíus Geirmundsson er kominn til hafnar eftir að einn skipverji greindist með Covid-19 með hraðprófi í gær. Alls hefur því fimm skipum verið snúið til hafnar vegna kórónuveirusmitaðra skipverja um borð á fyrstu viku ársins og eru nú rúmlega hundrað sjómenn í sóttkví eða einangrun.
Fyrst var það Örfirisey RE sem þurfti að snúa til hafnar á mánudag og svo Bergey VE á þriðjudag. Bættist síðan Tómas Þorvaldsson GK í hópinn í gærmogun og svo loðnuskipið Aðalsteinn Jónsson SU sama dag.
Í gærkvöldi greindi síðan Bæjarins besta frá því að grunur um smit hefði komið upp um borð frystitogaranum Júlíusi Geirmundssyni ÍS.
Skipið er nú við bryggju á Ísafirði og er haft eftir Einari Vali Kristjánssyni, framkvæmdastjóra Hraðfrystihússins Gunnvarar, að áhöfnin hafi öll verið skimuð fyrir brottför skipsins og að sá sem talinn var hafa verið smitaður hafi verið sendur í sýnatöku.
Svona er plan ríkisstjórnarinnar
„Leiðinleg og erfið staða“
Fimm Íslendingar á brottvísunarlista
Bjóst ekki við að fá Grammy
Greiða atkvæði um ótímabundin verkföll í dag
Samþykkt að fjölga lögreglumönnum
„Pólitískur hráskinnaleikur“ kom í veg fyrir samning