Vilja íslenskan þorsk í skiptum fyrir norskan

Fiskistofa hefur auglýst eftir tilboðum í skipti á aflamarki(kvóta) á yfirstandandi fiskveiðiári. Í boði eru 289.164 kíló af þorski í norskri lögsögu í skiptum fyrir aflamark í þorski í íslenskri lögsögu. 

Fram kemur í auglýsingunni sem birt er á vef Fiskistofu að við mat tilboða verður stuðst við meðalverð aflamarks síðasta mánaðar. Viðmiðunarverð síðasta mánaðar í þorski nam 332,55 krónum á kíló og er því kann að vera um að ræða aflamark fyrir rúmar 96 milljónir króna, en ekki er gerð krafa um lágmarkstilboð. 

Samkvæmt gjaldskrá Fiskistofu ber að greiða 11.640 krónur fyrir hverja úthlutun aflaheimilda á tilboðsmarkaði og ber því tilboðsgjafa að greiða þá upphæð fyrir hvert tilboð sem tekið er að fullu eða að hluta. 

• Blogga um frétt