Heildarafli í fyrra nam 1.158 þúsund tonnum

Heildarafli ársins 2021 nam rúmlega 1.158 þúsund tonnum sem er 13% meiri afli en árið 2020. Mestu áhrifin á aukninguna milli ára er loðnuvertíðin 2021 en engin loðna var veidd 2020. Þá var rúmlega helmingur heildarafla ársins uppsjávarfiskur, þar af 190 þúsund tonn af kolmunna, 186 þúsund tonn af síld og 147 þúsund tonn af loðnu. 

Þetta kemur fram á vef Hagstofu Íslands.

Frétt af mbl.is

Mestu útflutningsverðmæti á þessari öld

Einnig varð aukning í botnfiskaflanum milli ára en þó lítil eða 2% og nam hann 473 þúsund tonnum í fyrra.Þar af var þorskaflinn tæp 272 þúsund tonn, ufsi um 60 þúsund tonn og ýsa rúm 56 þúsund tonn.  

Aflamagn í desember 2021 var tæp 127 þúsund tonn sem er 72% meiri afli en í desember 2020. Munar þar mestu um tæp 76 þúsund tonn af loðnu en alls jókst uppsjávarafli úr tæplega 34 þúsund tonnum í desember 2020 í ríflega 91 þúsund tonn í desember 2021. Aukning var á lönduðum botnfiskafla um 18% og var landaður afli um 34 þúsund tonn í desember. Þar af var þorskaflinn 27,5 þúsund tonn sem er 27% aukning samanborið við desember 2020.

• Blogga um frétt