Markaður fyrir lax er góður og hátt verð
Setja bókamerki
„Ég tel að árið hafi verið betra en menn áttu von á,“ segir Sigurður Pétursson, sérfræðingur í fiskeldi um þá miklu framleiðsluaukningu sme orðið hefur í fiskeldi hér á landi á síðasta ári.
Hann stofnaði Arctic Fish á sínum tíma en lét af störfum hjá fyrirtækinu á síðasta ári og stofnaði Lax-inn, fræðslumiðstöð fiskeldis.
Sigurður bendir á að lax sé dýr vara. Stór hluti afurðanna hafi farið á hótel- og veitingamarkaðinn. Sá markaður hafi hrunið í kórónuveirufaraldrinum. Það hafi haft mikil áhrif á verðið en markaðurinn náð að jafna sig.
„Þeir sem vinna og selja lax sýndu mikla aðlögunarhæfni með því að skipta yfir í neytendaumbúðir fyrir stórmarkaði. Það hefur haft í för með sér að verðið hefur náð sér og er hátt. Þá hefur aukin heilsuvitund í þessu heimsástandi leitt til þess, að mati greinenda, að neytendur leiti í heilsusamlega vöru. Þar kemur laxinn sterkur inn.“
„Loks má nefna að neytendur verða sífellt meðvitaðri um kolefnisspor vörunnar sem þeir kaupa. Spor laxins er lægra en á flestum öðrum afurðum dýra. Það hefur hjálpað,“ segir Sigurður.
Eftirspurn meiri en framboð
Árið 2022 byrjar vel. Verðið lækkar venjulega eftir jól en það er óvenjulega hátt nú. Sigurður telur að spákaupmennska ráði nokkru um það. „Flestir greinendur telja að heimsframleiðsla á laxi muni aukast um 2-3% á ári á meðan markaðurinn stækki um 5-7%. Eftirspurnin vex hraðar en framboðið og menn eru því tilbúnir að greiða hærra verð en annars hefði verið,“ segir Sigurður.
Hann segir að þetta sé gott fyrir framleiðendur á Íslandi. Hér sé aukning í eldi, ólíkt því sem gerist í flestum öðrum löndum.
„Það vantar að við sem matvælaframleiðsluþjóð setjum okkur stefnu í uppbyggingu sjóræktar. Setjum okkur markmið sem eru mælanleg í magni og tíma,“ segir Sigurður þegar hann er spurður um framtíðina. Hann fagnar þó áherslum varðandi fiskeldi sem koma fram í stjórnarsáttmála ríkisstjórnarinnar.
Skortur á lóðum og aukin gjaldtaka
Umboðsmaður vill upplýsingar um dagskrá Höllu
Milljarðatugir í ríkiskassann
Ræða formennsku Kristjáns í RSÍ
Vilja svör um hvort Ásthildur hafi boðið 2% hækkun
/frimg/1/54/72/1547243.jpg)
Þjóðvegur 1 fór í sundur
Útilokað að kalla ísrétt bragðaref