Bjóða 200 milljarða í eiganda Arctic Fish
Setja bókamerki
Mowi, stærsta laxeldisfyrirtæki í heimi, hefur í dag lagt fram tilboð um kaup á öllu hlutafé í norska félaginu NTS fyrir alls 13,8 milljarða norskra króna, jafnvirði 198,5 milljarða íslenskra króna.
NTS hefur að undanförnu komið upp sjöttu stærstu laxeldissamsteypu heimsins undir merkjum Norwegian Royal Salmon sem er meðal annars eigandi Arctic Fish á Vestfjörðum.
Að undanförnu hafa ríkt miklar deilur milli hluthafa innan NTS. Hópur hluthafa félagsins hafa viljað taka NTS yfir og eru sagðir hafa gert uppreisn á hluthafafundi á föstudag, en Hans Martin Storo, sem varð nýr stjórnarformaður á fundinum, sagði sig frá uppreisninni og greiddi atkvæði gegn yfirtökutilboði hópsins.
Í dag kemur síðan tilboð frá Mowi í allt hlutafé NTS fyrir 13,8 milljarða norskra króna og er áætlunin að greiða helming af kaupverðinu með nýju hlutafé í Mowi og helming með peningum, að því er fram kom í tilkynningu félagsins til norsku kauphallarinnar.
Intrafish hefur eftir Ivan Vindheim, forstjóra Mowi, að meirihluti hluthafa NTS hafi óskað eftir tilboði frá Mowi. Þó vill hann ekki greina frá því hverjir það eru sem báðu um tilboðið.
„Þetta er vinaleg tilfærsla innan greinarinnar af hálfu Mowi,“ er haft eftir Vindheim. „Við vonum að það geti skipt máli fyrir hluthafa og starfsmenn. NTS fellur mjög vel að Mowi stefnulega séð. Við viljum þróa fyrirtækið saman.“
Þórunn tók andköf: Fall er fararheill
„Viðvaranir dynja á okkur úr öllum áttum“
Segir stöðuna ekki hafa áhrif á þingstörf
„Galið að stimpla málið á svartan húmor“
Hvetja fyrirtæki til að láta ferðamenn vita
Þórdís Kolbrún skipuð sérstakur sendifulltrúi
Neita sök í stóra kristal metamfetamínmálinu
Sólarhringsaðstoð á hverfastöðvum borgarinnar