Unnið að viðgerðum á vél Vestmannaeyjar

Unnið hefur verið hörðum höndum að viðgerðum á annarri aðalvél í Vestmannaey VE-27 að undanförnu vegna töluverða skemmda sem urðu þegar eldur kviknaði um borð í október á síðasta ári.

Skipverjar urðu varir við eldinn í kjölfar sprengingar og vegna hraðra og réttra viðbragða tókst að slökkva eldin, en draga þurfti skipið til hafnar.

Frétt af mbl.is

Mikill eldur laus að sögn skipstjórans

Guðmundur Alfreðsson, útgerðarstjóri Bergs-Hugins, hefur dvalið í Reykjavík og haft umsjón með viðgerðarvinnunni, að því er fram kemur á vef Síldarvinnslunnar en Bergur-Huginn er dótturfélag þess.

„Það vantar ennþá varahluti frá Japan. Þeir eiga að vera einhvers staðar á leiðinni en það hefur tekið mun lengri tíma að fá þá en reiknað var með. Skipið fór í slipp í Reykjavík sl. fimmtudag og þar hefur hefðbundnu viðhaldi verið sinnt. Ég geri ráð fyrir að skipið fari niður úr slippnum á morgun og þá fer væntanlega endurnýjuð vélin um borð. Menn gera sér vonir um að viðgerðarvinnunni ljúki og Vestmannaey geti haldið til veiða um miðjan febrúar,” segir Guðmundur.

• Blogga um frétt