Fjöldi björgunarsveitarmanna kallaðir út

Búið er að kalla út björgunarsveitir frá Kjalarnesi, Reykjavík, Kópavogi og Hafnarfirði vegna leitar í kjölfar þess að bátur fannst mannlaus við Engey. Leitað er við Engey og með strandlengjunni í norðanverðri Reykjavík.

Þetta segir Davíð Már Bjarnason, upplýsinga- og kynningarfulltrúi Landsbjargar. Hann segir rétt fyrir hádegi hafi björgunarsveitum beiðni um aðstoð frá lögreglunni á höfuðborgarsvæðinu vegna mannlausa bátsins.

Frétt af mbl.is

Leita skipverja eftir að bátur fannst mannlaus

Björgunarbátarnir Gróa Pétursdóttir RE frá björgunarsveitinni Ársæli og Stefnir KÓ frá frá Hjálparsveit skáta í Kópavogi eru mættir á vettvang. Bæði bátar og sæþotur björgunarsveitanna taka þátt í leitinni, en auk þeirra má sjá Leyni AK, dráttarbát Faxaflóahafna, við Engey. Davíð Már segir um 20 björgunarsveitarmenn taka þátt í leitinni í samstarfi við lögreglu og þyrlu Landhelgisgæslunnar.

Fjöldi björgunarsveitarmanna hafa verið kallaðir út. mbl.is/Eggert Jóhannesson

• Blogga um frétt