Góður afli við Ólafsvík

Línubáturnn Signý HU, sem gerður er út frá Ólafsvík, lagði 36 bala stutt frá Ólafsvík í gærmorgun og um fjögurleytið kom báturinn að landi eftir að hafa dregið 18 bala og var aflinn um 7,5 tonn á þá að sögn Gísla Bjarnasonar skipstjóra.

„Við förum svo út strax eftir löndum til þess að draga restina,“ sagði hann en þetta var síðasti róður mánaðarins.

Þótt oft hafi verið ótíð í vetur er góður afli þegar gefur, að sögn Gísla en hann rær ásamt tengdaföður sínum Guðmundi Gunnlaugssyni á Signýju HU. Á myndinni sést Guðmundur landa úr bátnum eftir fyrri túr dagsins.