Fjármögnun markaðssóknar fyrir toghlera tryggð

Polar toghlerar ehf. hefur tryggt sér fjármögnun markaðssóknar vegna toghlera úr endurunnu plasti. Fjármögnunin kemur frá Nefco undir hinni svokölluðu grænu endurheimtaráætlun sjóðsins, að því er fram kemur í fréttatilkynningu.

Frétt af mbl.is

Endurunnið plast að toghlerum á Dalvík

„Polar er frumkvöðull í að þróa sjálfbær veiðarfæri. Einstök hönnun á Pluto hlerum hefur sýnt sig að vera afar skilvirk, neyta minna eldsneytis, vernda brotgjörn vistkerfi sjávarbotnsins, og takast á við þætti varðandi plastúrgang“, segir Meeri Kaurissaari, fjárfestingarfulltrúi Nefco, í tilokynningunni.

Sjóðurinn býður fjármögnun fyrir lítil og meðalstór norræn fyrirtæki til að styðja alþjóðlegan vöxt utan Norðurlandanna og hraða uppbyggingu grænna norræna lausna.

Frétt af mbl.is

Feðgar hlutu styrk en hvorugur vissi af hinum

Í desember síðastliðnum hlaut Polar Toghlerar 50 milljóna króna styrk úr Tækniþróunarsjóði. Í fyrra hafði félagið einnig fengið styrk úr samstarfssjóði við atvinnulíf sem haldinn er úti af utanríkisráðuneytinu, en verkefnið felur í sér söfnun á plastúrgangi á landi og við strendur Senegal til endurvinnslu gegn gjaldi hjá fyrirtækinu Ecobag í höfuðborginni Dakar, að því er fram kemur á vef stjórnarráðsins.

• Blogga um frétt