Fjöldi loðnuskipa hefur lagt við bryggju í dag og mun bíða af sér hvassviðri sem mun fara yfir miðin norður af landinu í kvöld og færast austur í nótt og á morgun. Jafnframt má sjá töluverða brælu á miðunum í sjólagsspá Vegagerðarinnar.

Þetta er ekki fyrsta sinn sem skipin þurfa að bíða af sér lægð en á föstudag fyrir viku var annasamt hjá Landhelgisgæslunni að beina norsku skipunum í var enda norsku skipstjórarnir ekki allir kunnugir staðháttum.

Frétt af mbl.is

Umstang hjá LHG vegna norskra skipa í leit að vari

Á Akureyri hafa norsku loðnuskipin Selvaag Senior, Endre Dyrøy og Hargun komið sér fyrir við bryggjuna hjá Oddeyrarskála sem hýsir meðal annars Verðlagsstofu skiptaverðs.

Veiðin hefur gengið brösuglega hjá norsku skipunum sem eru um 25 á veiðum í lögsögunni, en veiði þeirra virðiust vera að taka sig eitthvað upp og kom Straumberg til hafnar á Fáskrúðsfirði með 110 tonn í morgun samkvæmt vef Loðnuvinnslunnar. Þar eru nú einnig norsku skipin Norderveg, Rav, Roaldsen, Dønnalaks, Malene og Steinevik.

Frétt af mbl.is

Norsku loðnuskipin héldu á allt önnur mið í gær

Þá hafa norsku skipin Gardar og Havdron lagt við bryggju á Seyðisfirði en þar er einnig hafrannsóknaskipið Bjarni Sæmundsson sem hefur verið ásamt Árna Friðrikssyni á loðnumælingum. Árni Friðriksson er hins vegar á miðunum.

Fjöldi norskra skipa er einnig við bryggju á Reyðarfirði, Eskifirði og í Neskaupstað, en þar er einnig varðskipið Þór.

Hópur íslenskra, færeyskra og grænlenskra skipa eru enn á miðunum um 50 mílur norðaustur af Langanesi. Norsku skipin hafa verið að reyna fyrir sér mun sunnar við Rauðatorgið, um 50 mílur austur af Djúpavogi, og eru þar nú um 13 skip.

Tengdar fréttir

Loðnuveiðar

Brellin loðna og bjartsýni horfin

• Ný loðnuleit skilar enn lægra mati
• Ekki von á að mæling leiði til breytinga
• Áfram verður leitað að loðnunni
• „Það þarf auðvitað bara að leita betur“

» Fleiri tengdar fréttir

• Blogga um frétt