Segja upp vegna skipstjóramálsins

Skipstjóri og stýrimaður Vestmannaeyjarferjunnar Herjólfs hafa sagt upp störfum og bætast þeir í hóp tveggja stýrimanna sem sögðu upp störfum fyrr í vetur. 

Uppsagnirnar eru sagðar tengjast málefnum yfirskipstjóra Herjólfs sem hélt áfram að sigla Herjólfi eftir að atvinnuréttindi hans runnu út, að því er fram kemur á bæjarmiðlinum Tígli.

Þar segir enn fremur að önnur ótilgreind mál séu hluti ástæðu uppsagnar.

Frétt af mbl.is

Mál skipstjóra litið alvarlegum augum

Á vef Tíguls kemur fram að skipstjóranum, sem braut af sér, verði ekki sagt upp störfum en hann hafi verið sendur í leyfi að beiðni áhafnar Herjólfs.

Arnar Pétursson, stjórnarformaður Herjólfs, vildi ekki tjá sig um málið og Hörður Orri Grettisson framkvæmdastjóri kvaðst ekki geta tjáð sig um einstök mál.

• Blogga um frétt