Norsku loðnuskipunum gekk erfiðlega að ná loðnunni framanaf á vertíðinni og biðla nú til norskra yfirvalda að beita sér fyrir því að fleiri norsk skip fái heimild til að sækja loðnu í íslenskri lögsögu. Þetta kemur fram í bréfi sem samtök norskra útgerðarmanna, Fiskebåt, sendu norska atvinnu- og sjávarútvegsráðuneytisins í dag.

Alls mega vera 30 norsk skip að veiðum samkvæmt gildandi samningum og er í bréfinu vísað til þess að norsku skipunum hafi aðeins tekist að ná sex til sjö þúsund tonnum af þeim 145 þúsund tonnum sem norskum skipum er úthlutað á vertíðinni.

„Núna er norski flotinn að leita að loðnu í veiðanlegu magni norður fyrir 64,30° en íslenski fiskiskipaflotinn heldur togveiðum sínum áfram norðar. Fiskibåt hefur áhyggjur af því að norski fiskiskipaflotinn nái ekki að veiða kvótann. Án framlengingar er veiðitímabilinu lokið 22. febrúar.

Mat Fiskebåt á stöðunni er að brýnt sé að fjölga skipum sem stunda veiðar til að hafa sem mesta afkastagetu þegar veður og aflaskilyrði krefjast þess. Fjölgun norskra skipa sem mun ekki vera í vegi fyrir veiði íslenska fiskiskipaflotans. Aflétta ætti fjöldatakmörkunum á 30 norskum skipum eða hækka,“ segir í bréfinu.

Íslendingar taki ekki tillit til sjónarmiða

Þá er ítrekuð ábending samtakanna um að norskum skipum er aðeins heimilt að styðjast við nót við veiðarnar á meðan Íslendingar, Færeyingar og Grænlendingar fá að nota troll.

Þann 18. janúar leituðu samtökin til norskra yfirvalda vegna þessa.

„Okkur er kunnugt um að ráðuneytið fylgdi fyrirspurninni eftir með samtali við íslensk yfirvöld án þess að tekið hafi verið tillit til sjónarmiða Norðmanna,“ segir í bréfinu.

Frétt af mbl.is

Segja norskum skipum mismunað í íslenskri lögsögu

Tengdar fréttir

Loðnuveiðar

Brellin loðna og bjartsýni horfin

• Ný loðnuleit skilar enn lægra mati
• Ekki von á að mæling leiði til breytinga
• Áfram verður leitað að loðnunni
• „Það þarf auðvitað bara að leita betur“

» Fleiri tengdar fréttir

• Blogga um frétt