Íslandsmetið í löndun stærsta loðnufarms íslenskra skipa er fallið. Tókst Vilhelmi Þorsteinssyni EA, uppsjávarskipi Samherja, hefur gengið vel á vertíðinni og kom til hafnar í Fuglafirði í Færeyjum með 3.448 tonn og er talið að um sé að ræða heimsmet.

Á laugardag hafði Börkur NK, sem Síldarvinnslan gerir út, sett nýtt met þegar skipið landaði 3.409 tonnum á Seyðisfirði. Sló þetta síðasta metið sem Börkur hafði sett frá 12. janúar þegar skipið kom til Seyðisfjarðar með 3.211 tonn.

Frétt af mbl.is

Loðnuskip líklega aldrei fært jafn mikinn afla

Hafa ekki undan

Fram kemur í færslu á vef Samherja að það hafi tekið um tuttugu klukkustundir að dæla aflanum úr Vilhelmi Þorsteinssyni í Fuglafirði og var honum dælt beint til vinnslu en ekki í tanka eins og tíðkast á Íslandi

Haft er eftir Guðmundi Þ. Jónssyni, skipstjóra á Vilhelmi Þorsteinssyni, að það hafi verið nauðsynlegt að landa í Færeyjum. „Staðan er einfaldlega sú að bræðslurnar á Íslandi hafa ekki undan þegar vel veiðist og þess vegna var stefnan tekin á Færeyjar, siglingin er hátt í þrjú hundruð sjómílur frá miðunum austur af Langanesi.“

Guðmundur Þ. Jónsson skipstjóri í brúnni á Vilhelmi Þorsteinssyni EA. Ljósmynd/Þórhallur Jónsson

Hann segir tekist hafi að fylla skipið í sjö holum og að stærsta holið hafi verið 600 tonn. „Þá drógum við aðeins í eina og hálfa klukkustund. Annars vorum við oftast að draga í sex til átta klukkustundir, þannig að þetta gekk allt saman mjög vel, að vísu þurftum við að lóna í um hálfan sólarhring vegna brælu.“

Skipið reynst vel

„Nei við erum nú ekkert sérstaklega að keppa á þessum systurskipum um Íslandsmetin, þetta eru einfaldlega mjög góð og öflug skip með mikla burðargetu. Það skiptir mestu að koma með gott hráefni að landi og þessi skip eru vel búin á allan hátt. Þannig var meðalhitinn á hráefninu 2,1 gráða þegar því var dælt til verksmiðjunnar,“ segir Guðmundur.

„Við leystum landfestar í Fuglafirði á sjöunda tímanum í morgun og nú er bara að sigla á miðin. Veiðin hefur verið góð undanfarna daga og verður vonandi svo áfram. Það verður væntanlega nokkuð þröngt á miðunum, því norski flotinn er mættur á svæðið. Þetta nýja skip hefur reynst afar vel og það var ánægjulegt að sigla í land með fullfermi. Við hugsum á svipuðum nótum og landsliðið í handbolta, fókusinn er á næsta túr.“

Skipstjórinn kveðst vera með hörku stráka um borð. Ljósmynd/Samherji

Tengdar fréttir

Samherji

Samherji hafði betur gegn Odee

• Hafa fjarfest meira en nemur hagnaði
• Fyrrverandi starfsfólki „sé haldið í spennitreyju“
• Þúsundir smáskilaboða fundust í tölvu
• Sumarstarfsmenn gegna lykilhlutverki hjá ÚA

» Fleiri tengdar fréttir

Loðnuveiðar

Loðnubrestur veldur ugg á Hornafirði

• Loðnubrestur algengur í Barentshafi
• Tímabært að rannsaka afrán hvala
• Loðnubrestur dregur verulega úr hagvexti
• „Enginn talar um hið augljósa“

» Fleiri tengdar fréttir

• 1 blogg um fréttina

Bloggað um fréttina

• Freysteinn Guðmundur Jónsson: Heimsmet