Mun meira af eldislaxi til Bandaríkjanna og Kanada
Setja bókamerki
Fluttar voru út eldisafurðir fyrir 36 milljarða króna í fyrra og fóru þær til kaupenda í á fimmta tug ríkja. Fyrir áratugi voru löndin 25 og útflutningsverðmæti rétt rúmir 4 milljarðar króna, að því er fram kemur í umfjöllun Radarsins.
Fram kemur að um 73% eldisafurðanna voru fluttar til Evrópu í fyrra miðað við verðmæti þeirra en vægi Evrópu var 86% árið 2020. „Ástæðan er einkum stóraukinn útflutningur á eldisafurðum vestur um haf, sem var langt umfram þá aukningu sem var á útflutningi til Evrópu. Þannig nam útflutningsverðmæti eldisafurða til Evrópu 26,5 milljörðum króna í fyrra, sem er ríflega 8% aukning á milli ára á föstu gengi. Útflutningsverðmæti eldisafurða til Norður-Ameríku nam um 8,8 milljörðum króna, sem er um 144% aukning á milli ára. Hlutdeild Norður-Ameríku fór þar með úr tæpum 13% í rúm 24%.“
Mesta bleikjan til Bandaríkjanna
Bandaríkin hafa verið eitt mikilvægasta markaðssvæði fyrir íslenskar eldisafurðir um árabil og fer mest af bleikjuafurðum þangað. „Vægi hans minnkaði þó talsvert á öðrum áratug þessarar aldar samfara auknu laxeldi. Sú varð þó ekki raunin í fyrra. Vægi bandaríska markaðarins jókst verulega og fór hlutdeild hans í útflutningsverðmæti eldisafurða úr 11% í 19% á milli ára. Aukninguna má fyrst og fremst rekja til verulegrar aukningar á útflutningi á eldislaxi,“ segir á Radarnum.
Útflutningsverðmæti eldisafurða sem seldar voru til Bandaríkjanna í fyrra var 6,8 milljarðar króna sem er 122% meira en árið á undan. Verðmæti laxafurðanna eitt og sér var 5,1 milljarður en það er 261% meira en 2020.
Mesta aukningin var hins vegar til Kanada og voru fluttar afurðir þangað að verðmæti 2 milljarða króna á síðasta ári, sem er um 266% aukning frá 2020. Laxinn er fyrirferðamikill í þessum tölum en útflutningsverðmæti laxafurða til Kanada sjöfölduðust milli ára.
Neyðarástand: Merki um landris og þúsundir flýja
Tilkynningar um tjón á fjórða hundrað
„Meiri ágreiningur en við áttum von á“
„Lán að sá sem stóð við ræsið heyrði skruðningana“
„Sá það bara hverfa í einni vindhviðu“
/frimg/1/46/36/1463611.jpg)
„Það er búið að þvarga hérna fram og til baka“