Baader eignast allt hlutafé í Skaganum 3X

Þýska fyrirtækið Baader hefur eignast allt hlutafé í Skaganum 3X, en samningur þess efnis var undirritaður í dag. Þetta kemur fram í tilkynningu frá Skaganum 3X.

Frétt af mbl.is

Baader kaupir Skagann 3X

Baader keypti 60% hlutafjár í fyrirtækinu í lok árs 2020 eftir að fyrrverandi eigendur leituðu eftir fjárfestum til að styðja við félagið og rekstrarfélög þess. Baader hefur nú keypt eftirstandandi 40% hluti af IÁ-hönnun.

Guðjón tímabundinn forstjóri

Í tilkynningunni er haft eftir Jeff Davis, stjórnarformanni Skagans 3X, að þessar fréttir séu góðar fyrir fyrirtækið og starfsmenn þess. Fyrirtækið verði nú betur í stakk búið að takast á við skuldbindingar sínar og þær kröfur sem gerðar séu til fyrirtækisins.

Skaginn 3X verður nú hluti Baader-samstæðunnar og hefst samþætting starfsemi félaganna nú þegar og er reiknað með að henni ljúki á næstu mánuðum.

Jeff Davis, sem gegnt hefur starfi stjórnarformanns, verður áfram í því hlutverki og Guðjón Ólafsson mun áfram gegna starfi sem tímabundinn forstjóri.

• Blogga um frétt