Síðasti veiðidagur Norðmanna á loðnuvertíðinni er í dag og voru 27 norsk skip að veiðum fyrir austan land í gær. Ekki er útlit fyrir að þau nái heildarkvóta sínum og gætu 30-40 þúsund tonn fallið í hlut íslenskra veiðiskipa.

Íslensku skipin voru flest að veiðum á Faxaflóa í gær. Framan af degi var ágætur afli, en veður versnaði mjög er leið á daginn. Útgerðarmenn sem rætt var við töluðu um að vertíðin væri öðrum þræði kapphlaup við lægðirnar, sem hver af annarri hefur gengið landið að undanförnu.

Loðnufrysting er nú í fullum gangi, m.a. fyrir markaði í Japan. Fulltrúar kaupenda eru staddir hér á landi þessa dagana, gæðameta hrognaloðnuna og fara yfir hvort hún standist kröfur. 

Nánar má lesa um málið í Morgunblaðinu í dag. 

Tengdar fréttir

Loðnuveiðar

Loðnumælingar gefa ekki ástæðu til bjartsýni

• Sást til loðnu norður af Vestfjörðum
• Loðnumæling tafðist er Árni leitaði í var
• Fyrstu skipin til loðnumælinga
• „Við urðum örlítið varir við loðnu“

» Fleiri tengdar fréttir