Á síðasta ári nam verðmæti útfluttra sjávarafurða til Úkraínu tæplega 3,6 milljörðum króna, en verðmætin gætu orðið meiri á þessu ári. Makríl- og síldarafurðir hafa vegið langþyngst, en í vetur hefur talsvert verið fryst af loðnu fyrir markað í Úkraínu.

Viðmælendur í sjávarútvegi sögðu í gær að óvissan væri mikil í Úkraínu og í raun um allan heim vegna stöðunnar. Vel yrði fylgst með framvindunni og slíkt hefði reyndar verið gert á síðustu vikum. Óneitanlega væri Úkraína mikilvægt viðskiptaland fyrir sjávarafurðir frá Íslandi.

Aukning eftir Rússabann

Útflutningur til Úkraínu hefur aukist á síðustu árum eftir að Rússar settu viðskiptabann á sjávafurðir frá Íslandi síðsumars 2015. Áður hafði Rússland verið einn mikilvægasti markaður fyrir sjávarafurðir frá Íslandi og var höggið hvað þyngst fyrir útflytjendur uppsjávartegunda. Annarra markaða hefur því verið leitað.

Nánar má lesa um málið í Morgunblaðinu í dag. 

Tengdar fréttir

Úkraína

Ísland mun styðja við uppbyggingu í lok stríðs

• Pútín tilbúinn í viðræður við Trump
• Þakkaði Íslandi mörg hundruð milljóna stuðning
• Tóku bæ á stærð við Reykjanesbæ á sitt vald
• Hótar að minnka aðstoð við Úkraínumenn

» Fleiri tengdar fréttir