Strandveiðifélag Íslands, félag um réttlæti í sjávarútvegi, mun halda stofnfund í gamla Sjómannaskólanum við Öldugötu 23 í Reykjavík á morgun klukkan 14.00.

Tilgangur félagsins er að standa vörð um og berjast fyrir rétti almennings til handfæraveiða við Íslandsstrendur og koma í veg fyrir mismunun í lögum um fiskveiðistjórnun, sem brjóti í bága við stjórnarskrá, að því er fram kemur í fréttatilkynningu frá félaginu.

„Félagið vísar í álit mannréttindanefndar Sameinuðu þjóðanna frá því í október 2007 þar sem fram kemur að íslensku lögin um stjórn fiskveiða brjóti í bága við 26. gr. alþjóðasamnings um borgaraleg og stjórnmálaleg réttindi um jafnrétti allra manna,“ segir þar.

Þá segir að tilgangi sínum hyggist félagið ná með öllum mögulegum leiðum, jafnvel með málsókn gegn íslenska ríkinu og stjórnsýslukærum gegn handhöfum löggjafar- og framkvæmdavalds.

Tengdar fréttir

Smábátaveiðar

Góð aflabrögð hjá bátunum á Suðureyri

• Lýsa áhyggjum af línuívilnun
• Bjóða milljarð í þorskkvóta
• Aðalfundur LS haldinn í fertugasta sinn
• Strandveiðiflotinn skilaði 5 milljörðum króna

» Fleiri tengdar fréttir

Strandveiðar

„Þetta er bara hræðsluáróður“

• Lýsa áhyggjum af áformum ríkisstjórnar
• Óásættanlegt að taka atvinnu af öðrum
• „Þetta er svo mikil bull umræða“
• Binda enda á 63 ára útgerðarsögu

» Fleiri tengdar fréttir

• Blogga um frétt