Danska fyrirtækið BioMar Group hefur ákveðið að stöðva öll viðskipti samsteypunnar í Rússlandi vegna innrásarinnar í Úkraínu. Fyrirtækið, sem framleiðir fóður fyrir fiskeldi, hefur átt í töluverðum viðskiptum í landinu.

„Ákvörðunin felur í sér sölu á fullunnum vörum sem og hráefniskaup,“ segir í yfirlýsingu á vef BioMar Group. Fyrirtækið telst meðal þeirra stærri fóðurframleiðslu og selur fóður til um 80 ríkja ætlað um 45 fisktegundum. Árleg velta BioMar er um 1.500 milljónir evra, andvirði um 220 milljarða íslenskra króna.

„Ákvörðunin nær til allra BioMar-aðila um allan heim. Bannið er stórt skref fyrir fyrirtækið þar sem útskipting hráefna og tap á sölumagni mun hafa veruleg áhrif,“ segir í yfirlýsingunni. Þar kemur jafnframt fram að fyrirtækið mun halda áfram að greiða öllum starfsmönnum í Rússlandi og Úkraínu laun þrátt fyrir ástandið.

Tengdar fréttir

Úkraína

Ísland mun styðja við uppbyggingu í lok stríðs

• Pútín tilbúinn í viðræður við Trump
• Þakkaði Íslandi mörg hundruð milljóna stuðning
• Tóku bæ á stærð við Reykjanesbæ á sitt vald
• Hótar að minnka aðstoð við Úkraínumenn

» Fleiri tengdar fréttir

• Blogga um frétt