Tjón á Kobba Láka, björgunarbáti Björgunarsveitarinnar Ernis á Bolungarvík,  í kjölfar óveðursins sem gekk yfir landið í febrúar var slíkt að ekki hefur reynst unnt að koma honum í þjónustu á ný. Hafin er því leit að nýjum björgunarbát.

Þetta kemur fram í tilkynningu á Facebook-síðu björgunarsveitarinnar.

Þann 8. febrúar tók báturinn að leka á meðan hann lá bundinn í Bolungarvíkurhöfn og á skömmum tíma sökk hann. „Mjög fljótt var kominn mannskapur á staðinn með dælur og byrjað að dæla úr bátnum en auk félaga úr sveitinni komu félagar úr slökkviliðinu og aðstoðuðu einnig. Þegar búið var að dæla úr bátnum var hann hífður á land og í kjölfarið afhentur tryggingafélagi okkar til að meta tjónið,“ segir í tilkynningunni.

Björgunarbáturinn Kobbi Láka hefur verið í þjónustu Ernis frá 2019 þegar báturinn var keyptur af björgunarsveitinni Ársæl í Reykjavík. Frá Þeim tíma hefur báturinn verið í fjölda útkalla.

Frétt af mbl.is

Aðstoðaði vélarvana bát í Aðalvík

Báturin var smíðaður 1998 hjá Holen Mekaniske Verksted í Noregi og yfirfarinn 2005. Lengd hans er 9,65 metrar og breiddin 3,6 metrar en djúprista er 0,65 metrar. Um borð voru tvær Yanmar 338 kílóvatta vélar með jet skrúfubúnaði, drægni um 120 sjómílur. Þá er Kobbi Láka útbúinn sjó- og brunadælum sem dæla 400 lítrum á mínútu, dráttartógi og öflugum siglingatækjum.

Þá segir í tilkynningunni að Kobbi Láka mun ekki sinna verkefnum og er því hafin leit að nýjum bát í samstarfi við skrifstofu Slysavarnafélagsins Landsbjargar.

Tengdar fréttir

Óveður í febrúar

„Ófremdarástand sem kemur niður á öllum“

• Gul viðvörun í allan dag
• Eitt erfiðasta vatnsárið í sögu Landsvirkjunar
• Þyrlan kölluð út vegna ferðamanna á Vatnajökli
• Snjóskóflur og sköfur kláruðust í snjóþungum febrúar

» Fleiri tengdar fréttir

• Blogga um frétt