Vilja rannsaka hvers vegna stórlaxi fækkar

Vísindamenn hjá Hafrannsóknastofnun hafa áhuga á því að rannsaka hvort veiðiálag valdi mikilli fækkun á stórlaxi í íslenskum veiðiám.

Rannsókn í Noregi og Finnlandi bendir til þess að fæðuskortur geti valdið því að minna af stórlaxi skili sér í ár og er hrun í loðnustofninum sérstaklega nefnt í því sambandi.

Guðni Guðbergsson, sviðsstjóri hjá Hafrannsóknastofnun, segir ekki vitað hvort sveiflur í loðnustofninum hér við land séu ástæða fækkunar stórlaxa í ám. Vísindamenn hafi frekar talið það stafa af veiðiálagi á stórlax.

Til eru hreistursýni talsvert aftur í tímann og væri hægt að kortleggja lífsferil íslenskra laxa með rannsókn á erfðaefni þeirra ef fjármagn fengist til þess. 

Nánar má lesa um málið í Morgunblaðinu.