9 til 11 milljarðar undir í Úkraínu
Setja bókamerki
Ætla má að árlegur útflutningur sjávarafurða frá Íslandi til Úkraínu hafi verið um 9 til 11 milljarðar og hefur Úkraína verið eitt mikilvægasta viðskiptaland Íslendinga með uppsjávarafurðir frá því að Rússland lokaði markaði sínum árið 2015. Þetta er meðal þess sem fram kemur í greiningum sem birtar hafa verið á Radarnum.
Það eru mun hærri upphæðir en fram koma í gögnum Hagstofu Íslands sem hafa til að mynda sýnt að í fyrra hafi verið fluttar út sjávarafurðir fyrir 3,6 milljarða króna til Úkraínu.
Misræmið í tölunum virðist mega rekja til þess að sjávarafurðirnar rata ekki allar beint til Úkraínu, heldur eru þær fluttar fyrst til Litháen. Þá segir að upplýsingar úr gagnagrunni Sameinuðu þjóðanna um innflutning Úkraínu og Litháen á fiskafurðum frá Íslandi styðji þá skýringu.
Fram kemur að 80% af sjávarafurðum í Úkraínu hafa verið innflutt og að „hlutdeild Íslands í heildarverðmætum innfluttra fiskafurða í Úkraínu að jafnaði verið um 14% á undanförnum árum. Norðmenn eru stærstir og hefur hlutdeild þeirra verið rúm 30% á undanförnum árum. Bandaríkin eru svo númer þrjú í röðinni með í kringum 10% hlutdeild.“
Nái til nærliggjandi ríkja?
Vakin er athygli á því að mikil óvissa sé nú uppi, ekki bara gagnvart útflutningi til Úkraínu og Rússlands, heldur einnig til nærliggjandi ríkja eins og Litháen (þar sem sala áfram til Úkraínu vegur þungt), Póllands og Hvíta-Rússlands. „Undanfarinn áratug hafa uppsjávarafurðir vegið að jafnaði um 80% af viðskiptum þessara landa með sjávarafurðir. Þetta eru aðallega frosnar uppsjávarafurðir; síld, makríll og loðna.“
Þá hefur 30% af uppsjávarafurðum verið flutt til þessara landa frá árinu 2015. Hlutfallið er hins vegar 46% á sama tímabili ef fiskimjöl og lýsi er frátalið.
Útflutningur á eldisafurðum aukist talsvert til Úkraínu á undanförnum árum sem og til Póllands og var vægi ríkjanna í heildarverðmætum útfluttra eldisafurða tæplega 22% á árið 2020 og tæplega 17% í fyrra. Útflutningur á eldisafurðum til Litháens, Hvíta Rússlands eða annarra nálægra landa er hins vegar afar lítill.
Karfinn fór til Rússlands
Útflutningsverðmæti annarra afurða, sem aðallega eru botnfisktegundir, hefur verið um fjórir til fimm milljarðar króna til þessara ríkja síðustu ár.
„Það er ekki stórt á heildina litið, eða rétt rúmlega 2% að jafnaði af heildarútflutningsverðmæti þessara afurða frá Íslandi. […] Rússar voru önnur stærsta viðskiptaþjóð með karfa fyrir viðskiptabann. Karfi, einn og sér, nam um 80% af útflutningsverðmæti annarra sjávarafurða en uppsjávarfisks til Rússlands fyrir bannið,“ segir í greiningunni.
Óvissustigi á Vestfjörðum aflýst
/frimg/1/50/98/1509812.jpg)
Aukin tíðni strætóferða fyrir fleiri íbúa
Var rétt komin ofan í sprunguna
Óvissustig á mörgum vegum
Síminn stoppar ekki hjá Árekstur.is
Vonast eftir breiðri þverpólitískri sátt
Fresta framkvæmdum við Landspítala