Öflugra skip dýpki Landeyjahöfn

Vega­gerðin stefn­ir að því í næsta mánuði að bjóða út dæl­ingu í Land­eyja­höfn fyr­ir árin 2022-2025. Gerð verður krafa um miklu öfl­ugra dælu­skip en nú er í notk­un, að sögn G. Pét­urs Matth­ías­son­ar, upp­lýs­inga­full­trúa Vega­gerðar­inn­ar.

Samn­ing­ur Vega­gerðar­inn­ar við Björg­un hf. renn­ur út núna í vor. Björg­un hef­ur notað sand­dælu­skipið Dísu sem get­ur dælt 3-5.000 rúm­metr­um á dag í kjöraðstæðum.

G. Pét­ur seg­ir að dýpk­un­ar­skip sem leitað verður eft­ir þurfi að geta náð upp 15.000 m3 í kjöraðstæðum.

Frétt af mbl.is

Alltaf nýj­ar upp­lýs­ing­ar um dýpið

Dýpk­un Land­eyja­hafn­ar verður boðin út á Evr­ópska efna­hags­svæðinu, sem þýðir að er­lend dýpk­un­ar­fyr­ir­tæki geta boðið í verkið. Jan De Nul, sem er öfl­ugt alþjóðlegt fyr­ir­tæki, vann við dýpk­un árin 2015-2018. Það hafði dýpk­un­ar­skipið Gali­lei 2000 til taks sem af­kastaði um 12.000 m3 á dag í kjöraðstæðum.

Fram kem­ur í til­kynn­ingu á heimasíðu Vega­gerðar­inn­ar að óvenjuslæmt tíðarfar það sem af er ári hafi leitt til þess að ekki hef­ur verið hægt að sigla eins oft til Land­eyja­hafn­ar og gert var árið 2021. Það er fyrst og fremst öldufar sem haml­ar för en einnig hef­ur dýpi hafn­ar­mynn­is verið tak­mark­andi þátt­ur.

Nýj­ustu dýpt­ar­mæl­ing­ar gefa til kynna að áhrif Eyja­fjalla­jök­uls­goss­ins og þess mikla efn­is sem þá barst til sjáv­ar hafi dvínað til muna síðastliðið ár.

Sand­ur­inn til vand­ræða

Und­an­far­in ár hef­ur sand­ur í höfn­inni eða hafn­ar­mynn­inu ekki verið til mik­illa vand­ræða fyrr en fór á líða á janú­ar 2022, seg­ir á heimasíðunni. Það ger­ist í kjöl­farið á þrá­lát­um suðvestanátt­um með hárri öldu­hæð. Í slíku veðurfari verða til mjög fáir og stutt­ir fram­kvæmda­glugg­ar fyr­ir dýpk­un­ar­skip.

Til þess að geta full­nýtt alla fram­kvæmda­glugga við þess­ar aðstæður þurfi að vera til reiðu af­kasta­mikið dýpk­un­ar­skip sem get­ur á skömm­um tíma fjar­lægt um­tals­vert magn efn­is. Við nú­ver­andi aðstæður þarf að fjar­lægja um 10.000 m3 af efni til þess að höfn­in sé nægj­an­lega djúp, til sam­an­b­urðar hefði þurft að fjar­lægja um 40-50.000 m3 af efni ef gamli Herjólf­ur ætti að sigla í höfn­ina. Vegna þessa er nú í nýju útboði stefnt að því að ráða til starf­ans af­kasta­mikið dýpk­un­ar­skip sem get­ur hreinsað um 10.000 m3 á dag, sem er um 3-4 sinn­um þau af­köst sem nú­ver­andi dýpk­un­ar­skip hef­ur.

Frétt af mbl.is

Auka­dýpk­un í Land­eyja­höfn

Dæma­laust há alda stöðvar för

Þrátt fyr­ir að tappi hafi mynd­ast í höfn­inni um miðjan janú­ar hef­ur það ekki stöðvað sigl­ing­ar í Land­eyja­höfn. Ekki hef­ur tek­ist að dýpka sem skyldi vegna veðurs en Herjólf­ur hef­ur siglt eft­ir sjáv­ar­fjöll­um þegar öldu­lag leyf­ir. Dýpið er nægi­legt þegar sjáv­ar­staða er há.

„Hins veg­ar hafa þrálát vetr­ar­veður og dæma­laust há alda stöðvað ferðir Herjólfs ít­rekað nú í ár, al­ger­lega óháð dýp­inu,“ seg­ir á heimasíðu Vega­gerðar­inn­ar.