Enn er kór­ónu­veirufar­ald­ur­inn að trufla sölu sjáv­ar­af­urða til Kína og lokuðu kín­versk stjórn­völd í síðustu viku fyr­ir rúss­neskt sjáv­ar­fang. Í hafn­ar­borg­inni Dali­an var rúss­nesk­um skip­um meinað að af­skipa farmi sín­um eft­ir að veir­an greind­ist í starfs­manni. Ákvörðunin tek­ur einnig til afurða nokk­urra annarra þjóða.

Kom þetta fram í til­kynn­ingu á frá rúss­nesku sjáv­ar­út­vegs­stofn­un­inni, Rosry­bolovst­vo, en Intrafish sagði fyrst frá.

Aðeins mánuður er liðinn frá því að slík­um aðgerðum var aflétt en nú hef­ur verið gripið til þeirra á ný og það sama á við hafn­ar­borg­ina Qingdao, en kín­versk stjórn­völd miða enn aðgerðum að veiru­lausu sam­fé­lagi.

Með jöfnu milli­bili hef­ur kór­ónu­veir­an greinst í kring­um sjáv­ar­fang í Kína og hef­ur í kjöl­farið verið gripið til harðra aðgerða með nei­kvæðum af­leiðing­um fyr­ir selj­end­ur. Í júní 2020 var víða í Kína lokað fyr­ir sölu á laxi eft­ir að veira greind­ist á skurðbretti heild­sala í höfuðborg­inni Pek­ing. Fátt bend­ir þó til að veir­an geti smit­ast með sjáv­ar­fangi.

Frétt af mbl.is

Kór­ónu­veira á skurðbrett­um heild­sala

Lok­un­in nú er tal­in koma sér í illa fyr­ir rúss­nesk­an sjáv­ar­út­veg sér­stak­lega eft­ir að banda­rísk yf­ir­völd til­kynntu í síðustu viku bann við inn­flutn­ing á rúss­nesk­um sjáv­ar­af­urðum sem lið í efna­hagsaðgerðum vegna inn­rás­ar­inn­ar í Úkraínu.

Evr­ópu­sam­bandið hef­ur enn sem komið ekki gripið til aðgerða gegna rúss­nesku sjáv­ar­fangi.

Frétt af mbl.is

Hyggja á bann við rúss­nesk­um sjáv­ar­af­urðum

Tengd­ar frétt­ir

Kór­ónu­veir­an Covid-19

Lík­lega rangt að loka öllu

• „Eins og að vakna upp í allt öðru lífi“
• Rétt­inda­mál covid-sjúk­linga í lamasessi
• Hug­hreyst­andi bros á lækna­vakt
• Í fimm ára fang­elsi fyr­ir að hvetja til hryðju­verka

» Fleiri tengd­ar frétt­ir

• Blogga um frétt