Ein stærsta loðnuvertíð síðari tíma er á lokametrunum og er óhætt að segja að veðurfarið hefur strítt íslensku loðnuskipunum sem og skip hinna strandríkjanna. Líklega tekst þeim ekki að ná öllum þeim afla sem þeim hefur verið úthlutað.

„Það er nánast aldrei friður. Endalausar brælur og virðist ekki vera neitt lát á þeim. Þetta ætlar bara ekki að taka enda,“ var haft eftir Hálfdani Hálfdanarsyni, skipstjóra á Berki NK, fyrr í dag á vef Síldarvinnslunnar.

Systurskipin Vilhelm Þorsteinsson EA og Börkur NK á loðnumiðunum. mbl.is/Börkur Kjartansson

Segir þar að loðnuskipin sem komin eru austur eða eru á leið þangað séu með mismikinn afla um borð og að stefnan sé að vinna hrogn úr eins miklu mögulegt er. Grænlenska skipið Polar Amaroq landaði afla til hrognavinnslu í Norðfjarðarhöfn í gær og í gærkvöldi kom þangað Polar Ammasak með 2.200 tonn.

Í dag kom síðan Vilhelm Þorsteinsson EA með 1.340 tonn og Beitir NK með 880 tonn auk þess sem Hákon EA er mættur mep 400 tonn. Þá voru á landleið Bjarni Ólafsson AK og Barði NK með sitt hvor 500 tonnin.

Haft var eftir Hafþóri Eiríkssyni, verksmiðustjóra í Neskaupstað, að vinnsla hrogna með nýjum búnaði gengi afar vel.

Tengdar fréttir

Loðnuveiðar

Loðnubrestur veldur ugg á Hornafirði

• Loðnubrestur algengur í Barentshafi
• Tímabært að rannsaka afrán hvala
• Loðnubrestur dregur verulega úr hagvexti
• „Enginn talar um hið augljósa“

» Fleiri tengdar fréttir

• Blogga um frétt